عندى 21 سنة ومخطوبة وبحب خطيبى جدااااااا وهوا بيحبنى اوى

ازيك يا ادمن منة اخبارك اية يارب تكونى بخير ارجو منك عرض مشكلتى فورا السلام عليكم ورحمة الله وبركاتة على احلى بيدج فى الدنيا بجد ربنا يكرمكم لانكم بتساعدوا ناس كتيرة بالحلول بتاعتكم مشكلتى انا عندى 21 سنة ومخطوبة وبحب خطيبى جدااااااا وهوا بيحبنى اوى وحصلت مشاكل كبيرة اوى من اهلة لأنهم كانوا رافضينى فى البداية عشان مستواة التعليمى احسن منى وهما كانوا عايزين واحدة مستواها التعليمى عالى المهم تمت الخطوبة بعد اقناعه لأهلة وتعبه معاهم لغاية الحمد لله مأقتنعوا بيا شوية احنا دلوقتى بقالنا 10 شهور مخطوبين وهوا كان مواعدنى من 4 شهور بكتب الكتاب شهر 10 اللى جاى وانا فرحت جدا انا واهلى وعزمت كل الناس وكل اصحابى وقولت دى خطوة كويسة فى علاقتنا المهم اتصل بيا امبارح مرة واحدة لقيتوا قالى انا مش هكتب الكتاب دلوقتى خالص كتب الكتاب هخلية بعد سنة يعنى قبل الفرح بيوم انا بكيت وانهارت لأنى كنت مستنية اليوم دا ب فارغ الصبر عشان المشاكل اللى بين العلتين لما نكتب الكتاب كنا هنعدى مرحلة الامان انا وهوا قولتلة اية التغير المفاجئ دا قالى انا سئلت ابن عمى وقالى ان كل الناس بتكتب قبل الفرح بيوم وانا اقتنعت ب كلام ابن عمى قولتلة بس احنا ظروفنا مش زى ظروف بقيت الناس عشان المشاكل قالى هوا دا قرارى ومش هتراجع فية انا قولتلة يبقى انت كدا بتلكك ومش عايزنى قولتلة خلاص كدا كل واحد يروح ل حالة وقفلت ومعاه وهوا مرنش تانى انا مخنوقة وتعبانة اوى وحاسة انى هموت انا استحملت معاه كتير وتعبت كتير اوى عشان احافظ على اللى بينا وربنا يعلم ب كدا ارجوكم ساعدونى انا مش عارفة اتصرف معاه ازاى دلوقتى ولا رد فعلى بعد اللى هوا عملة ورد فعلى مع كل الناس اللى انا عزمتها ومنظرى هيبقى ازاى انا تعبانة بالله عليكم شوفولى حل بدون تجريح واسفة للأطالة بدون ذكر اسماء

انا عندى 23 سنه متجوزة من 3 سنين عن قصه حب فظيعه ومشاعر

السلام عليكم ورحمة الله وبركاته 
اشكركم ع الصحفه الجميله ديه فعلا وبعد ما شوفت كذا مشكله واراءكم فيهم قررت اكتب مشكلتى ...



انا للاسف مشكلتى فيها تفاصيل كتيره جدا ...هحاول اختصرها 
انا عندى 23 سنه متجوزة من 3 سنين عن قصه حب فظيعه ومشاعر جميله جدا وانتحار كنت للاسف شايفه ان حب فعلا فريد من نوعه لكن تطلع حاجه تانى غير الحب ...تطلع تميثل كذب خيانه اهانه لاهلى وليا ..
المهم خيانه ع النت ومكالمات وحب غرام مع بنات وعلاقات غير مفهومه ....ولو اتكلمت انتى بتدورى وراء مفيش حاجه من الكلام ده بيحصل واكبر دماغى وانا لا بدور ولا زفت انا بعرف بالصدفه 
اهانه لاهلى وليا ولامى وابوى عشان هم مفصلين وكل مناسبه تخصهم لالالا ونكد بدون اسباب وامى توفيت بعد 4 شهور من جوازى وكان بسينى ولا مهتم بمشاعرى غير الاهانه الشخصى ليا فى انوثتى وكلام يحرجى اى واحده فى حين ان نفس الوقت يحب فى ديه ويعكس فى ديه انا الحمد لله متوسطه الجمال مش هقول قمر ولكن الحمد لله ع قد كويس من الجميل لدرجه انه قالى فى وشى انا مش عاوز عيال منك ....طبعا حرجك جدا كلمه زى ديه بس ربنا فوق كل شى حملت منه وربنا كرمنى .. وقالت يمكن ربنا هيهدى ولكن السوء زاد اكتر وضرب ع ابسط الاسباب بابا جيلى مرة وتانى وعشره ويتكلم براحه وبهدوء مع العلم احنا ساكنا مع اهلى فى نفس العمارة لحد فى مرة ما ضربنى فى العربيه فى الشارع بابا زعقله وشتمه فى الشارع وبعدين غضبت وجيت قعدت عند بابا كنت زعلانه عشانه واتصل ما ردش المهم رجعت انا البيت لقيتهم مغيرنا مفتاح العمارة وزعلانا ان ازاى ده يحصل فى ابنهم رجعت وعيشت بيقت احس والله انه بياخد حقه من ابويا فيا ضرب وشتم على ايه حاجه ومن ابسط الاشياء ولما اورح لاهله لازم ارجع فى معياد محدود مره اتاخر عن المعياد مرضيش يفتحلى البيت وبابا زعقلى انا ورجعت تانى وضربنى قدام اهله وبرضه كبرت دماغى وعيشت لحد العيد اللى فات ده راحت اعيد ع اهلى ورجعت مالقتش حد فى البيت رجعت مع بابا وحمدت ربنا انه وصلنى يومه واتصل بيا مش بيرد برده بابا تانى يوم راحهم واتكلم معهم منتهى قليل الادب منهم واتفقوا ع شهرين كل واحد يفكر فيهم وقوله عاوز تشوف ابنك تعالى فى ايه وقت وقاله عاوزين مصاريف ابنك ومراتك قاله ماليش دعوة بمراتى ولحد دلوقت لا فاكرك يسال ولا جى حتى وانا خلاص بجد نفسى افقلت منه ومن البيت كله 
وامه ديه مشكله تانى لوحدها بوشين اسمعها ع طول بتشتم عليا وع اهلى وتسخنه عليا وياب تحت وياكل تحت وهى تزعقلى وعارفه كل حاجه عننا 
انا بجد تعبت ومش عارفه افكرك اعمل ايه تفاصيل كتيره جدا وجعتنى وانا تعبانه منها مفيش لغه حوار بينا مفيش تفاهم بينا خايفه ع ابنى منه ومن مستقبله او ياخد منى وان ممكن يكون ليا مرات اب و جوز ام انا الحمد لله مرتاحه ماديه بجد مش قارده اخد قرار ولا اقادرة اشتريه تانى وانا ع طول حاسه انه بيعنى ومش عاوزنى ..............

انا متجوزه من سنه نص وبحب جوزى جداااااااااااااااااااااا وهو طيب

لسلام عليكم لاحلى صفحه فى الفيس كله اللى بجد بحس فيها باللمه المحترمه الطيبه عندى مشكله اتمنى تتعرض من غير اسمى واتمنى اللى يقدر يفدنى ياريت وجزاكم الله خير وهايكون عمل انسانى انا متجوزه من سنه نص وبحب جوزى جداااااااااااااااااااااا وهو طيب اووووووووووووووى وحنين جدااااااااااا وربنا مكرمناش بالخلف الصالح بس بعد الفحوصات والتحاليل وجد ان فى مشاكل فى الخلفه من ناحية جوزى وهى انعدام حيوانات منويه المشكله ان جوزى بياخد برشام ترمادول وبياخده بطريقه صعبه اوووووووووووووى وهى اللى مقصره على الخلفه انا واقفه جانبه وبنحاول انه يبطل وهو عنده استعداد بس للاسف مش بيقدر وجسمه بيوجعه وبيرجع بعد يوم ياخده تانى وانا نفسى انه يبطل وهو نفسه جدااااااااااااااا بس مش لاقين حل بغض النظر عن الخلفه انا نفسى يبطل عشانه لانه مش بقى بيقدر يعيش من غيره ولايشتغل ولا يقف على رجليه من غيره فكرنا انه يروح مصحه بس محرج من اهله لان ماحدش يعرف فكرنا انه يروح كانه مسافر بس لقيناها صعبه وخايفين يعرفو فى البيت هاييبقى شكله وحش فكرنا ان نشوف ااااااااااااااااااااااى علاج بديل انه يخليه يكره البرشام ده مانعرفش اى حاجه انا ليا طلب عندكم بالله عليكم بعد على اى حد لو فى حد يعرف اى حد مر بالتجربه دى واتعالج بطريق بسيطه من غير شوشره لجوزى يقولى وانا اعملها فورررررررررررررررررررررا لانه بجد تعب منها وهو نفسه زهق بس بعيد عنكم ده سممممممممممممم اما الواحد بيتعود عليه مش بيقدر اكيد كلنا عارفين اد ايه الموضوع صعب ماتستغربوش للموقف انا بحب جوزى اوى ونفسى جسمه ينضف من السموم دى ااااااااااااااااااااااى طريقه حد يقدر يفدنى بيها ياريت يفدنى يارب يباركلكم ويراضيكم وشكرا ليكم

انا عندى مشكلة عملالى اكتئاب و الله

السلام عليكم
انا عندى مشكلة عملالى اكتئاب و الله
انا عندى 22 سنة - بابا و ماما اتخانقو خناقة كبيرة اوى و هو قالها لمى هدومك و سيبى البيت و انا هطلقك ! الكلام ده من اسبوع و انا اصلا امى ست طيبة جدا و بتراعى ربنا فى كل حياتها و طول عمرها عايشة علشاننا
هو بابا اللى شخصيته صعبة و عنيد و ديما يحط كرامته فوق الكل
دلوقتى انا اخواتى 2 ولاد و اتكلمنا معاه كتير مفيش فايدة و اخويا الصغير اتخانق معاه علشان امى و لم هدومه هو كمان و ساب البيت راح قعد مع ماما و اخويا التانى بيشتغل ليل نهار مبيرجعش البيت غير على النوم
و بابا اصلا سبب كل مضايقته ان حصل مشاكل كبيرة فى شغله و سابه و دلوقت هو فى البيت مابينزلش
و انا اتخرجت و قاعدة هنا معاه بس انا متضايقة اوى البيت وحش اوى من غير امى مبقتش حاسة بأى حاجة حلوة مع العلم انى مخطوبة قريب و خطيبى بيحبنى اوى بس انا كل يوم بنام معيطة
فيه كمان خالى جه كذا مرة علشان يتكلم مع بابا و يحاول يصلح بينهم بس ابويا رافض و بيقولو خلاص انا مش عايزاها انا هطلقها
و انا نزلت مرة واحدة خلال الاسبوع رحت شوفت امى و الله صعبت عليا جدا شكلها تعبانة و قالتلى ابوكى ظالمنى
انا مش قادرة اكرهه او ازعل منه بس زعلانة اوى اتكلمت معاه كذا مرة انا و اخويا بس بيزعقلنا لما بنتكلم و بيتعصب
انا عايزاكو تدعولى بس
شكرا

من فضلكم يا جماعة محتاجاكم اوووي ..

من فضلكم يا جماعة محتاجاكم اوووي .. امبارح و انا في بيت بابا .. اضريت ادخل على اللابتوب بتاع اختي عشان ابعت رسالة لصحبتي عاالحساب بتاعها عالفيس .. و اختي كانت نايمة ..
فتحت اللاب و فتحت الفيس لقيت حسابها هي اللي متسجل ..
و لقيت رسالة جايالها و الفضول خلاني من غير تفكير افتحها
ولقيت مصيبة سودا ..
هي كان اتقدملها من فترة ولد لا هو من مستواناا ولا من توبنا زي ما بيقولوا و عرفنا انه بتاع حشيش و بنات و غير كده مبيشتغلش ,, واحنا مستوانا المادي عالى اوي فكلنا عرفنا انه طمعان فيها و اترفض و اختي عارضت فترة و بعدين سكتت و استسلمت
المصيبة الي بقولكم عنها انها لسه على علاقة بيه .. وان من حوارهم انها هتهرب و تروح تتجوزة بغير رضانا و تفاصيل تانية كتير

انا هتجنن ومش عارفة اعمل ايه .. لو روحت قولت لاهلى هفقد ثقة و احترام اختي ليا العمر كله و هتقاطعني و هي فظيعة و زعلها ممكن يقعد بالسنين

ولو مقولتش اختي هتقضي على مستقبلها و شبابها مع واحد ميستاهلهاش . ارجوكم انصحوني اتصرف ازاي ؟؟

نصيحة لكل البنات الحلوين اللى لسة ماتجوزوش او المخطوبة

ازيكو يا احلى ربات بيوت طبعا بدون ذكر اسمى @ربنا يجعل بيوتنا مفتوحة وعمرانة بحسنا احنا واجوازنا وو لادنا انا عارقة انى عضو مش فعال بس انا متابعاكو باستمرار وبحبكو انتو وصفحتكو التانية هاخش ف الموضوع عشان ماحدش يقول انى رغاية موضوعى انهاردة عبارة عن نصيحة لكل البنات الحلوين اللى لسة ماتجوزوش او المخطوبة المهم يعنى اللى لسة عالبر احب اقولك قبل ماتختارى زوج ليكى اختارى اب لولادك وجد لاحفادك وسند ليكى مش بس الحب هو اللى بيحقق نجاح الجواز لا الاخلاق كمان مهمة واوعى تتقبلى بعيوب كبيرة ف شريكك بحجة انه هايتغير بعد الجواز اذا كان وانتى مش ملكه ماتغيرش امال بقى لو معاه وضمنك-واوعى تقولى اهو احسن من غيره ومابيجليش حد وكل صحابى اتخطبو وانا لا والكلام الاهبل ده طول ما انتى عالبر تقدرى تختارى براحتك ومش عشان نظرة المجتمع اللى انا شخصيا بعتبرها رجعية تقومى تورطى نفسك وحتى لو اهلك مش مريحينك ما تطلعيش من نقرة تقعى ف حفرة انا ليا تجربة ف الموضوع ده وهى انتى كنت مرتبطة ب واحد وكنت بحبه جدااا وماقدرش اعيش من غيره هو كان كويس بس للاسف كان خاين وكل مرة اكتشف ده كان يقولى اخر مرة وانتى الاصل وانا بتسلى كنت عبيطة وبصدق هو كان امكانياته ضعيفة وكان طالب من اهلى انهم يشغلوه لان ليهم وسايط بس طبعا هما رافضينوه ورفضو مساعدته اه نسيت اقول انه كمان كان بيشتمنى باهلى وكنت فاكرة انى لما اسكت هايحترم نفسه وكان بيدخن المهم بعد ما اهلى رفضوه بقى دايما يشتم ويخونى اكتر ولما اواجهه يقولى ما انا لو متجوزك مش هاعمل كدة انا طبعا ماتحملتش وسيبته وفضلت ادعى ان ربنا يعوضنى خير المهم انا اتجوزت قبله ب سنة راجل الحمد لله ياريت كل الرجالة زيه ماكانش يبقى فى طلاق احترام ودين واخلاق ومستوى مادى واجتماعى اكتر مما كنت بحلم وعلى فكرة لا اعرفه ولا يعرفنى جواز تقليدى تم ف 3 اسابيع وصاهبنا التانى اتجوز بعدى ب سنة البنت اهلها ساعدوه وجابولوه شغل وماعملش ولا حاجة حتى الفرح عليهم دى كانت حجته معايا ان اهلى مش كويسين معاه احنا قرايب انا وهو بس عارفين لسة الخيانة وقلة الادب ف دمه بس تافرق انه بيعملها حساب عشان كاسرة عينه بالفلوس اسفة عالاطالة بس بالله عليكى منك ليها ما تستعجليش وركزى قبل الفاس ما تقع ف الراس وربنا يكرم كل اللى ماتجوزوش ويهدى حال المتجوزين ويجعل بيوتنا عمرانة حب و احترام

انا عندى 30 سنة متجوزة عن حب وعندى تﻻت اطفال صغيرين

انا قصتى قريبة م القصة السابقة انا عندى 30 سنة متجوزة عن حب وعندى تﻻت اطفال صغيرين اربع شهور وسنو ونص وتﻻت سنين ونص من فترة وحاسة ان جوزى متغير معايا وبينتقدنى كتير جدا وبيقف لى ع الغلطة وطول الوقت يقولى زمان كنتى كزا ودلوقتى ﻻء ولما ارد عليه بنوع من العنف او الدفاع عن نفسى اﻻقيه يقولى خﻻص انا هروح اتجوز عشان اعوض تقصيرك دا وكانه بيهددنى طول الوقت وانا طبعا عشان كرامتى بقوله روح اتجوز ومن فترة ﻻحظت انه بياخج الﻻب توب بتاعه ويدخل اوضته ويقفل عليه بالمفتاح وحجته انه مش بيعرف يركز منهم وحتى وهما نايمين بيعمل كدا شكوكى بتقول انه بيعرف واحدة تانية بس مش قادرة اتاكد من كدا مش عارفة اعمل اى وبقينا بنتخانق على اتفه اﻻسباب هوا مش مقدر ان اﻻوﻻد صغيرين ومحتاجين رعاية مننا اجنا اﻻتنين حاولت اجى على نفسى عشان اسعده واهتم بيه طول الوقت بس مش عارفة وهو ﻻزم يقدر دا بس وﻻفارق معاه
ارجوكم حاولوا تنصحونى اعمل اى انا تعبانةجدا وبقيت عصبية اوى

عايزه اقول لكل واحده مخنوقه من جوزها ولا خطيبها ولا حبيبها

عايزه اقول لكل واحده مخنوقه من جوزها ولا خطيبها ولا حبيبها ياوختشى مش هتخليكى تعدى ولا تنسى انا هقولك على طريقه جهنميه تعمليها ولا تشيلى ولا تحطى فنفسك معندكيش ياوختشى غير مراره واحده احتفظى بيها وحافظى على صحتك شوفى يا حبيبتي انتى وقت لما تكونى مبئوئه كده وحاسه انك هتنفجرى وهو راح نام ولا خرج ولا راح فايوتها مكان تكتبى كل الى مضايقك فورقه بئا ولا عالفيس ولا حتى سجلى الكلام المهم تقولى وتطلعى كل الى جواكى وتسيبهولوا يقراه شوفى ياوختشى انا بقولك عن تجربه اه وربنا انا لسه عامله كده وحسيت انى فريش فريش فريش مراوح يختى نزلت على قلبى كدهون كل ماتحسى انك مخنوقه اكتبى اكتبببببببببى وكرررررررى كل الى مضايقك اه اومال تمرضى صحتك بالدنيا ياحبيبتشى اه وربنا زمبقولك كده لو بئا الكلام الى كتبتيه مجبش معاه فايده اطبعى الى كتبتيه ووزعيه على قرايبكوا وافضحيه يمكن يتلم
يلا سامو عليكو

انا محتاجة مشورتكوا حاسة ان حياتى بايظة تماما

انا محتاجة مشورتكوا حاسة ان حياتى بايظة تماما
انا متجوزة بقالى 10 شهور بس كانوا صعبين قوى كان فى مشاكل فى الخلفة و عملنا حقن مجهرى و وقفت جمبه و الحمدلله ربنا كرمنا
انا طبيبة بشرية و زوجى صيدلى كان جواز صالونات كان للاسف فيه بوادر للصفات بس للاسف استمريت
و اكيد فيا كمان
انا شايفاه انه حريص مش العيشة اللى كنت متعودة عليها عنده كل حاجة اولويات ماشى هوا صح ساعات بس برده نفسك عليها حق
دايما حاسة انى مقهورة انى مش هعرف اعمل حاجة مزاجى مثلا التخصص يقولى اختارى تخصص يكون ماشى بره عشان مستقبل العيال فالهالى انه مش هيعرف يعمل حاجة لوحده
طب هوا داه عادى؟ طب فين رغبتى انا ؟؟
هوا كان مسافره بره و علشان مشكلة الخلفة كان مأجل السفر و ماكنشى عنده استعداد انه يشتغل شغل اضافى و قاعد فى البيت
و كذا مرة اتكلم معاه و طبعا بيقفلنى
و مرة قالها هوا انا اشتغل شغلنتين و انتى قاعدة كده (مع انى طلبت انى انزل تدريب بعد الشهر الرابع و هوا مرضيش )
دايما شايق ان البيت مسؤليتنا احنا الأتنين فى المصاربف و فى كل حاجة
مش بيعرف يجيب حاجة و لا خضار و لا اى حاجة الا السوبر ماركت
و بيقول مش بيعرف يجيب حاجز معتمد على باباهفى الشرا !!

اخر مشكلة الماديات عاملالى مشكلة جدا يعنى مثلا معايا مبلغ محوشاه و هجيب موبيل بيه و هوا زوده
قدام اخويا مش عارفة بيعمل كده قدامه عشان المنظره و لا ايه و بعد كده بياخده من المحفظة من غير ما قالى الا بعدين و يقولى طلبات البيت و يقولى انا اللى باجيب
و بيقولى انى استقطاع ؟؟فقومت رديت عليه و قولته انه ماجبليش حاجة هوا دايما شايفنى عندى الندية
و برد و المفروض اقول حاضر و نعم و بس
فلوس النقطة خادها و حاطها فى العربية من غير مايقولى
عملية الحقن المجهرى رضى عادى ان بابا يشارك فيها
هوا الاول قالى بلاش و بعدها قالى براحتك
كل الحاجات دى محسسانى انه انسان مادى هوا انا ابقى غلطانة و اتعامل ازاى معاه ؟؟

آخر تطورااااااااات مشكلتى .. روحت لماما و طلعت لجارتى بعد ما استأذنت والدى ..جوزى اتصل بيا و لاقانى فوق و زعقلى عشان انى طلعت سلم و انا حامل و قالى مش جاى هاخدك و شوفى حد يوادكى الشغل ..فى البييت اما روحنا ينا مش بيتكلم و قالى انا مخاصمك قولتله ليه قالى ادخلى جواه و بعدها نمنا و صبح تانى يوم روحنا الشغل
اكتشفت ان البيه جوزى اخد حوافز الشهر اللى فات و ادالى جزء ساعتها و قالى عشان تشترى لبس و ماقليش ان دى حوافز غير طبعا انه اخد منهم و اما واجهته و قولتله انت استلمت حوافز بتاعتى قالى اه و انا اتدهالك قولته اه قصدك الفلوس اللى انت ادتهوملى عشان لبس الحمل قالى اه قولتله ماشى طبعا كنت اتصلت بابا و اخويا و قالولى ماكيش دعوة بالموضوع و انا هتصرف معاه
بعد ما الناس مشوا افتعل مشكلة و حلف عليا بالطلاق ما اطلع لجارتى و لو زودتها ماهتشوفى بابكى تانى و روحنى على بابا
قوليلى بقى ازاى اتعامل فى الموقف و اللى يعمل الصغيرة يعمل الكبيرة و خاصة انه كان بيقولى لازم تاخدى نسا و اصرف انا مرتبى و نحوش مرتبك !! و انى مش هعرف اعمل حاجة لوحدى !!

انا عندى 21 سنة متجوزة من سنة

السلام عليكم ورحمة الله وبركاتة ارجو عدم ذكر اسمى وفى الاول احب اشكر الصفحة جدا لانها بتفيدنا فى حاجات كتير انا عندى 21 سنة متجوزة من سنة ونص ولم انجب واحمد الله المشكلة انى من يوم ما اتخطبت اخت جوزى بتتدخل فى كل جاجة عشان هى الوحيدة حتى فى جهازى هى اللى جايبة كل حاجة على مزجها وجوزى مكنش يعرف ان هى بتعمل كدة من وراها بتعمل ايه بقى تقولوا هات وانزل اجيب وتقوله على الحاجة ام عشرة بتلاتين المهم فضلنا ايام الخطوبة مشاكل بسببها وبعدين اتجوزت جات يوم الدخلة هى بتغير منى اوى عملت مشكلة وانا لسه طلعة على السلم وقلبت الفرح وعدى كل دة تقعد معايا اتكلم معاها عادى ونضحك ونهظر تروح تحكى لامها عكسة خصمتها شهرين وجة جوزى تعب اما صلحتنى وقالتلى خلاص وحاجات من دى وجوزى طيب جدا جدا وكلمها كذا مرة قالها ملكيش دعوة بينا وبسببها حماتى متحبنيش موصللها صورة عنى وحشة وانا مش عرفة اعمل ايه لغاية دلوقتى انا فى حيرة بسببها تبقى حلوة معايا وفجاة الاقيها هى وامها مش بيكلمونى معلشى طولت عليكوا ارجوكوم سعدونى اعمل ايه معاااااااااااااها

انا متزوجه من 4سنين وعندى بنت وجوزى مش عايزنى اخلف تانى

انا متزوجه من 4سنين وعندى بنت وجوزى مش عايزنى اخلف تانى وهومطلق وعنده ولد وبنت بس وﻻده التانيين مش عايزين يشوفه خالص مش عارفة ليه هو حاول بس هما مش عايزين بقى له اكثر من 8سنين لم يراهم وكبر دماغه انا مش عارفة انا صح انى اتجوزت مطلق وﻻ ايه على الرغم انه مش بيعاملنى كويس خالص وعلى طول يوميا خناق على اتفه اﻷسباب لو ماقلتش تصبح على خير يزعل ويكبر الموضوع ويعلى صوته جدا من غير سبب على العلم والله انى غير مقصرة وباشتغل وباعمل كل حاجة فى البيت وطباخة ماهرة وهة عايز طول مأنا قاعدة ادلع فيه كل يوم وﻻ اناقشه فى حاجة خالص وبيدخل فى كل حاجة انأ زهقت من عدم ارضائه عن اى شئ انا باحس انه عايز يكسرنى وبس ﻻنى باقبض كويس وهو ﻻ وشايله البيت كله وساعات كتير يخاصمنى بدون سبب ارجوكم اعمل ايه امشى مع العلم انه ابن ناس انسان يعشق النكد وانا بارتاح قوى لما باخاصمه افيدونى ارجوكم

أدمن منة

انا مخطوبه وانا وخطيبي من نوع الواضح جدا

انا عندي استفسار او مشوره بما إنكوا ستات بيوت وانا لسه مقبله ع نظام دا_ انا مخطوبه وانا وخطيبي من نوع الواضح جدا و بنهتم بالتفاصيل اوي ف كل حاجه_وبنحب نحط نقط ع حروف_مهم احنا كنا بنتناقش امبارح ف موضوع مصروف البيت ولوازم بيت ضرورية اكل وكدا_هو قالي هديكي500مصاريف اكل ولوازم تلاجه دا كل شهر و هو هيتكفل بكهربا وميه وفون وك حاجات تخزين زي دقيق ورز وحاجات دي _ف انا حاسه ان دا قليل ع احتياجات مطبخ ف طلبت 700 وقولتله مش هطلب منك مصروف شخصي ليا ك شهر هطلب بس وقت الحاجة_هو قالي 700كتير هخليهم 550 قولتله قليل _هو لسه مردش عليا_انتوا إ رأيكو 700 كتير ولا قليل ولا اطلب كام_مع علم ان هعيش ف بلد ارياف _ممكن تنصحوني ف حوار دا_بس ماتضحكوش عليا ان بهتم بتفاصيل دي بس انا بحب اظبط ك حاجة عشان ابقي عارفه هعمل إيه _اسفه ع اطاله

مشكلة كبيرة شبيهة بمشكلة نشرتوها قبل كدة الا وهى الخيان

ياجماعة انا معجبة جدا بالجروب بتاعكم وعندى مشكلة كبيرة شبيهة بمشكلة نشرتوها قبل كدة الا وهى الخيانة يمكن دى كلمة كبيرة بس انا عندى مبدأ ان الخيانة مبتتجزأش
انا متجوزة بقالى سنة ونص وعندى ولد ربنا يخلهولى متجوزة عن حب 10 سنين بالظبط من ساعة الخطوبة وانا كنت دايما فى مشاكل معاه بسبب البنات اللى بيكلمها على النت بس كنت بقول عادى ده سن طيش وهيعقل بعد الجواز وقدام كله كلام خلاص وبعد الجواز زهقت من كتر مابقفشه بيكلم زمايل معاه فى الشغل على الفيسبوك بس ساعات كتيرة بيبقى كلام اوفر شوية هو مش قلة ادب بس فضفضة فارغة ملهاش لازمة واللى كان بيموتنى انه كان يجى من الشغل يقعد على اللاب مايقمش غير على النوم اتخانقنا كتيرة بسبب كدة لحد من اسبوع اكتشفت انه خرج مع واحدة زميلته فى الشغل يقعدوا فى كافيه والمصيبة انها متجوزة بس هى سورى يعنى فرىىى خالص ومقضياها على الاخر اساس كان حواراتهم مع بعض على الفيس مكانتش بتعجبنى هو اه مش كلام قليل الادب بس كانت بتحكى كل حاجة عن حياتها ليه وده برضه يخوف وبعد معرفت انهم خرجوا اقنعت نفسى انهم ممكن يكونوا جروب شغل مع بعض بس اكتشفت انهم كانوا لوحدهم اتجننت وجاتلى حالة هستيريا وطلبت الطلاق ودخلت اهله واهلى هتسالونى عرفت ازاى شفت المحادثة اللى مابينهم على الفيس والادهى من كدة انه انكر كل حاجة وطلعنى مجنونة وبيتهيالى حاجات ومسح المحادثة وقالى هاتى دليل انى كنت معاها طبعا الاهل هدونى وقالولى معلش كلام كل الامهات نزوة صغيرة بس انا زهقت من كدة وحاسة انى مجروحة اوى من ساعتها ده مبيفضاش نص ساعة يخرجنى فيها مع العلم انا مش مهملة فى نفسى ولا نكدية وزى اى عروسة 
وعلى فكرة انا جربت معاه كل حاجة الاهمال وسبت البيت راح هو عاند معايا وسابنى 15 يوم ولا سال فيا لحد مارجعت لوحدى هو عنيد اوى

انا اسفة انى طولت عليكم بس انا قلت افضفض يمكن حد يفيدنى والاقى حل وانا مش مع اهمله دى خالص

مشكلتي وحبيت اعرضها عليكم

السلام عليكم دي مشكلتي وحبيت اعرضها عليكم مع اني واخده قراري ومصرة عليه جداً جداً..انا اتجوزت من ١١ سنه مع العلم اني لسه مكملتش ٣٠ سنه ومعايا طفلين وابو اولادي من اسوء ما يكووون شفت كتير واتعمل فيا كتير اهانه وشتايم بالاهل وضرب وبصمني واتسبب في ديون ليا انا معرفش عنها اي حاجه وستات وعلاقات ليل نهار وكان بيخلي الستات دي تكلمني تشتمني باقذر الالفاظ وسرق دهبي وطردنا انا والولاد من البيت وقعدنا في شقه وحشه جدا وباع شقه الزوجيه من غير علمي وطبعا جواز عرفي كذا مرة وانا صبرت سنيننننننننننن واديت بدل الفرصه الف وكل مره بفتح صفحه جديده لكن خلاص تعبت واكتفيت ووصلت لمرحله الكره وانفصلنا من سنه وانا مصره جدااااااً علي الطلاق وطبعا هو كالعاده انا اسف هبقي كويس اديني فرصه الخ الخ لكن للاسف معتش قادره خلاص تحت اي ظرف او ضغط من اللي حواليا حاسه اني لو رجعت هموووووووت ..حبيت اسمع رايكو وشكراً

مشكلة يا جماعة حصلت مع واحدة قريبتى

ارجوكم انشرو رسالتى بسرعة لانى محتاجة حل ضرورى فى مشكلة يا جماعة حصلت مع واحدة قريبتى هى مشكلة غريبة شوية بس بجد حصلت ياريت ما تنشرو اسمى علشان هى هتزعل لو عرفت انى قلت اللى حصل معاها بس انا والله عاوزة اساعدها ومش عارفة ازاى هى كانت عروسة فى ليلة فرحها وكانت سعيدة جدا لانها اتجوزت الانسان اللى بتحبة وبعد الفرح ما خلص وروحت لعش الزوجية لقت اللى عمرها ما كانت تتخيلة لقت اوضة نومها مشتعلة بالنار والحريق ملتهم كل شىء فى الاوضة السرير والمراتب والدولاب بكل ما فية طبعا هى انهارت جدا ووالدها اخذها على بيتة تانى بس مش دى المشكلة !!!المشكلة ان بعد البحث وجدوا ان الحريق بفعل فاعل والسبب الكيروسين او الجاز المنتشر فى كل مكان فهى استنتجت ان دة من فعل واحدة ممكن تكون كانت على علاقة بجوزها وحبت تنتقم منة او انه مثلا غدر بواحدة فهى وهو طبعا انكر اى حاجة زى دى هى فقدت الثقة فيه ورفضة الحياة معاه يعنى حياتها الزوجية اتخربت قبل ما تبتدى غير طبعا فرحتها اللى انكسرت ونفسيتها المحطمة انا بجد محتاجة رايكم

ه انا متجوزه بقالي سنه وجواز تقليدي

انا عندي مشكله يا جماعه انا متجوزه بقالي سنه وجواز تقليدي جدا بس حبينا بعض اوي اوي اوي وخلفنا بنوته هيا كل حاجه بالنسبالنا بس هو سافر دلوقتي بلد عربي واتغير معايا خالص من سعت ما سافر قبل ما يسافر كان بيحكيلي ع كل حاجه ف حياته اول ما اسافر معرفش عنه اي حاجه بقيت بالنسباله واحده بربي بنته لحد ما يرجع بتصل يطمن ويقفل بيشوفني فاتحه الفيس مش بيتكلم معايا خالص ولا كاني فاتحه مع اني استحملته ف حاجات كتير ووقفت جمبه كتير اوي عشان بجد بحبه وفضلت جمبه لحد ما ربنا كرمه وسافر انا مش قادره استحمل ال بيعمله دا ومش عارفه اعمل ايه انا نفسيتي تعبانه ومخنوقه

انا متجوزة من سنتين ونص وعندي بنت

بالله عليكوا تعرضوا مشكلتي
لاني حاسه اني هموت
انا متجوزة من سنتين ونص وعندي بنت ربنا يخليهالي
جوزي طيب ومحترم وحماتي صعبه ووبناتها وحشين بس وبعد جواي بسنه حصلت مشكله كانت هتوصل للانفصال
مشكلتي بقي ان جوزي بيسافر وظروف شغله مينفعش ياخدني وانا تعبت 
والله انا منهاره ومبقتش قادره اتحمل الوحده بقعد شويه عند ماما وشويه في بيتي
جوزي رافض انه يبطل سفر مع ان المقابل المادي قليل جدا
ومش هعرف الهي نفسي واشتغل لان بنتي صغيره ومحتجالي
والله انا كتير بفكر انفصل بس انا بحبه اووووي ومتخيلش دنيتي من غيره بس كلمته كتير مش نافع اعمل ايه؟؟؟اهدده اني اسيبه ولا اعمل ايه ياريت تقولولي
وميرسي ليكم

إحنا ف البيت 3 أفراد ... أنا وأمي وأخويا الكبير

سلام عليكم يا كل أمهاتنا وأخواتنا 
في البداية عايز أشكركم جدآآآ على صفحتكم المتميزة والرائعة:

عايز أقدم أحلى تقدير وإجلال لكل ربااات البيوووت وأخص بالشكر ( أمي العزيزة ) ... مش مستوعب حجم التعب والجهد إللي بتشوفة أمي في رعايتنا وتربيتنا وخدمتنا ... إحنا ف البيت 3 أفراد ... أنا وأمي وأخويا الكبير .. وكان عندي أختين وإتجوزوا والحمد لله ( والوالد متوفي من حوالى 16 سنة .. الله يرحمه ) 

الشاهد في الكلام عن أمي هو تعبها في خدمتنا أنا وأخويا وبالمناسبة أمي عندها 52 سنة .. وأنا متعود إني أساعدها في شغل البيت وتحضير الأكل احيانآآ ... وهى كل يوووم أول ما أصحى من النووم تقولي أجهزلك الفطااار .. وأنا أشكرها وأقولها لأ .. لأنى مستكتر تعبها في إنها تحضرلي الفطااار ... وأروح للتلاجة وآخد أي حاجة سريعة 

دخلت عليها المطبخ النهاردة قولتها بصراحة إحنا تعبينك معانا يا ست الكل .. ينفع كدة تحضرلينا فطاار وغداا وعشااا لوحدك .. قالتلى هو أنا لما أأكل أولادي يبقى دة تعب أنا أكون سعيدة أوي بكدة ... إنتو بس شدو حيلكم وخليني أشوف زوجاتكم وأولادكم ... مسكت إيدها وقبلتها .. وقولتها إن شاء الله إللي جاى أحسن وهنعوضك على كل تعبك معانااا ..... قولتها أنا عايز على مرة أطبخ طبخة أو أغسل المواعين أو حتى أغسل الهدووم في الغسالة ... ضحكت وقالتلي إزاي تعمل كدة وأنا موجووودة .. لما تتجوز إن شاء الله خلى مراتك تساعدني ... وقالتلى ياللا هاتلي لمونة من التلاجة أعصرها للسلطة عشان نتغدى مع بعض .

ما أعظمها من أم .. ربتنا وكبرتنا وخدمتنا طووول سنيين عمرها ... ربنا يبارك في عمرها ويديها الصحة وكل رباات البيوت من الأمهات والأخوات والزوجااااات .... جزاكم الله عنا كل الخير

صديقتي متزوجة من اقل من سنة وكمان حام

صديقتي مزوجة من اقل من سنة وكمان حامل وحياتها ماشية تمام ، إلى ان طلعولها جيران جدد ست وزوجها ... اول ايام جتها الجارة في البيت وضيفتها وكل شي ... وانها دي زواجتها الثانية وزوجها كمان زواجتو الثانية ... وصارت بينهم زيارات خفيفة ... إلى أن حست صاحبتي ان الست دي عايزة توقع جوزها ... تيجي من وراها تخبط عالباب وتقولو فلانة هنا ؟؟؟ يقولها لا .. ويا ناس تيجي وهيا لابسة فستان من فساتين البيت وحاطة وشاح خفيف يبين شعرها كلو ...

وزادت هموم صاحبتي لما سألت عنها ستات في فرح قرايبها ... قالولها دي شت مش مزبوطة وخدي بالك منها زوجها خطفاه من مراتو الاولى ... وكمان والله اعلم يمكن بتعمل سحر ...

صاحبتي المسكينه حامل في السابع وبقت مش عارفة تعمل ايه وبدت تجيها وساوس انتو عارفين اكيد الحمل يأثر جدا عليها ويزيد عندها كل شيئ


رجاءا رجاءا رجاءا النصيحة لصاحبتي تعمل ايه مع الست دي هل تواجهها او تعمل ايه ساعدوها انا خايفة عليها ..

انا متجوزه من سنتين ومعايا الحمد لله بنوته عندها 6شهور

السلام عليكم انا معجبه جدا بالجروب وربنا معاكوا ان شاء الله انا عندي مشكله مع جوزي وارجو عدم نشر اسمي انا متجوزه من سنتين ومعايا الحمد لله بنوته عندها 6شهور انا موظفه بس واخده اجازه من شغلي عشان بنتي جوزي مبيصرفش عليا كويس عشان هو بيحوش وعايز يصلح العربيه ويجددها وجاب ايباد ولما انا اطلب فلوس يقولي مفيش معيش انتي شيفاني مزنوق وكمان بيدي فلوس لامه واخوه مع ان امه بتاخد معاش كويس جدا ومش محتاجه واخوه كبير ومبيشتغلش وانا فعلا مدايقه منه جدا لاني انا اتعودت ان يبقي في فلوس في ايدي دايما لاني بشتغل بس هو معني اني بشتغل يبقي محكوم عليا اني افضل شغاله طول عمري عشان جوزي مش قادر يصرف عليا وانا لما كنت بشتغل كنت بساهم بجزء كبير جدا ودلوقتي لما اقعد ميقدرش يصرف عليا قولولي اعمل معاه ايه

ام بتعاير بنتها بظروف جوزها

مشكلتي باختصار شديد سؤال لربات البيوت بدون ذكر اسمي

هيا فيه ام بتعاير بنتها بظروف جوزها
يعني كل ماواحدة في العيلة عندنا تتجوز حتي لو اخدت سباك بس معاه فلوس تيجي من الفرح عليا تقعد تحكيلي وهيا مبهورة بغوشتين دهب عشان انا مجاليش معني جوزي قالي انا هعوضك بعفش نضيف وشهر عسل حلو وفعلا وعد ووفي بس هيا مش في دماغها غير تعايرني وخلاص والاسود بقي ان اهل جوزي ناس طيبة بس برده بتفضل تجبلي امثلة لبنات اتجوزت لناس وتقعد تعايرني بيهم
المشكلة انا مش عارفة هيا بتعايرني ليه اه صحيح حالة جوزي علي قدها بس لا يقارن باي حد ماما بتعايرني بيه لانه مثقف وفهمني
انصحوني اعمل ايه ؟

انا 27 سنه من عائله اقل من المتوسطه

السلام عليكم يااجمل صفحه على النت اختى كانت بتقولى فى صفحه جيله اسمها ربات البيوت بتحل مشاكل الناس كنت بتريق عليها لغايه مادخلت ادمنتها لانها فعلا جميله ومفيده جدا لكل ست بيت وافتكر واناصغيره كنت اقعدمع جدتى علشان اسمع برنامج ربات البيوت على الراديو بجد جزاكم كل الخير عندى مشكله ياربات واتمنى الاقى حل ومحتاجه نصيحه ضرورى انا 27 سنه من عائله اقل من المتوسطه لم اتزوح للان ومش عارفه السبب بصراحه من سنه ونص اتعرفت على شاب من النت وجزبنى ليه بكلامه عن والده لان والدى متوفى واتاثرت جدا المهم دمه خفيف وسنه معقول من محافظه تانيه بس اهله من محافظتى اتكلمنا 3 شهور واختفى مردش عليه عرفت انه كلم بنت تانيه من بلد عربى هى اللى كلمتنى كلمته على الفيس اقوله انى عرفت قالى انها بتكزب وانها ولد وبيشتغل البنات ورجع اختفى تانى فتره ورجع كلمنى حسيت انه بيكلم واحده تانيه بس مش اكيد رجع كلمنى بس المره الاخيره فضل معايا كتير لدلوقتى واول مره احس انه بيحبنى بجد كلمته ليه سابنى قبل كده قال انه كان هيسافر وكان فى مشاكل مع اهل والده ومش عاوز يظلمنى معاه وقالى انه هيجى يتقدملى وكان فى حد اتقدملى فرمضان كان هيتجنن بس الحمد لله محصلش نصيب وكان هيجيلى يوم الجمعه فى اسبوع العيد حصل الضرب واللى حصل فى البلد دلوقتى فى واحد متقدملى من محافظه تانيه محترم 36 سنه عنده شقه مشاء الله جامعى عربيه اخر موديل بس تنك ودمه تقيل وشبه جوز خالتى ومش بحبه ومش بيتكلم نهائى وانا بكره التناكه بصراحه قولت للى بحبه قالى انا هتصرف انا هاجى اتكلم مع ماما واخد خالى معايا لان خاله من نفس محافظتنا لان والده صعب يسافر هو واهله فى الظروف دى ماما واخواتى فرحنين جدا بالعريس اللى متقدملى علشان امكنياته وانا حسه انى هظلمه معايا وهقضى عمرى مع شخص ساكت وهكون فى محافظه تانيه مليش حد فيها انا مش عارفه اعمل ايه ومش عارفه اتكلم مع ماما لانها مقتنعه بالعريس جدا ومعرفش اتصرف ازاى ارجوكم ساعدونى من غير تريقه ومن فضلكم ابعتولى اللينك

زهقاااااااااااااااااااااااااااااااااااااااانه جدا لدرجه الطهقان

السلام عليكم ورحمه الله وبركاته بدون ذكر اسمي انا باختصار شديد زهقاااااااااااااااااااااااااااااااااااااااانه جدا لدرجه الطهقان ومش عارفه بجد اعمل ايه انا لسه مخطوبه من حوالي شهريين بس بصراحه اكتشفت اني مش حاسه اي حاجه تجاه خطيبي ده خالص بل بالعكس ساعات كتير ببقي مخنوقه منه بصراحه ناس كتير قالو ان اخلاقه حلوه ووالدي ووالدتي بيحبوه جدا لانهم يعرفوه هو من نفس المدينه وسنه بالنسبه لي مناسب 28 سنه ووظيفته كويسه ومستواه المادي كويس وموافق اني اشتغل وهبقي عايشه لوحدي مش مع حماتي بس مشكلتي انه مطلق وعنده بنت والبنوته مع والدتها كل اهلي بيقولو وايه يعني وانا وافقت علي مضض بصراحه وقولت مدام الناس كلها بتقول كويس بس بصراحه ببقي كويسه وفجاه افتكر الحاجات دي اتضايق وخصوصا انك تقابلي حد يقولك ليه يا بنتي هو انتي كبرتي ولا معنسه ولا متجوزه مره عشان تقبلي بيه الكلام ده طبعا بيضايقني واللي زاد وغطي بصراحه مش حاسه بايام الخطوبه ولا الكلام بتاع المخطوبين ده وهو دايما مشغول وبحس انه كل حاجه بيحسبها كده يعني مثلا ف الدبل جبت دبله وخاتم ومعترضش علي اي حاجه ولا الجرامات ولا الفلوس بس بعدها قال التاخير ف الاختيار كلفنا مصنعيه كبيره بتاع ........كام جنيه كده وبتاع انا حاسه انه بخيل شويه بس بصراحه عادي مش ماثر ف حاجه والاحساس ده جاني بسبب انه بيحسب لكل حاجه واي حاجه دايما ومتضايقه اني اهلي بحسهم متساهلين معاه جدا مع اني الحمد لله علي قدر من الجمال وجالي عرسان قبل كده كتير معرفش علي ده واهلي اتصدرو معرفش انا حاسه ان قلبي مكسور وحزين ومش عارفه افرح ومش عارفه اعمل ايه وساعات ابقي عاديه وساعات ازهق اوي اوي ولقول انا ليه ارتبط بحد ارتبط بحد قبلي وحاسه اني هتحمل اعباء وابدا احل له ف مشاكله مع طليقته وخصوصا ان لسه ف قواضي نفقه وحضانه وحاجات كده لبنته ف المحكمه وكمان عايز الجواز يبقي بسرعه والخطوبه تبقي شهور بس والجواز يبقي علي اول شهر 12وكمان نا غيوره جدا وحاسه اني مش هستحمل اني اتقارن بيها سواء اني احسن منها او اسوا وكمان ف يوم ال0خطوبه لاقيته بيبص لصاحبتي اوي هي بصراحه جمييييييييييييييييييييييييله جدا ولما قولتله قالي اصل صاحبي كان عايز عروسه وقولت ممكن تنفعله واحده من صحباتك وعشان كده بصيتلها ومره تانيه اخت صاحبتي ماشيه معايالاقيته برده مركز معاها معلش طولت عليكو بس بصراحه عايزه اخد رايكو اعمل ايه من غير محد يجرحني باي كلام بالله عليكو

متجوزه من كام شهر وبتحب جوزها

السلام عليكم
انا عاوزه اخد رايكم ى مشكله واحده صاحبتى اوى وهي هتستني ردودكم

هى لسه متجوزه من كام شهر وبتحب جوزها وهو بيحبها بجد هو انسان محترم اوى
لكن المشكله فى سلفتها بتتكلم انها بتفهم فى كل حاجه ومفيش حد بيفهم زيها
وزميلتى بتخدم حمتها حبا فيها واحترام ليها عشان ست كبيره وبتعاملها زى والدتها
مره سمعت حماتها وسلفتها بيتكلموا عليها وحش عشان القايمه والمؤخر عاليين اوى وسلفتها واخو جوزها اصلا مش موافقين على الجوازه بس هو اللى صمم ورغم كده كانت سلفتها على طول بتتصل بيها بتسأل عليها وتزورها
وبتتكلم انها المفروض تسيب شقتها وتنزل تخدم حماتها ومش تروح لمامتها غير مره واحده فى الاسبوع وبيتريقوا عليها عشان اهلها احتفلوا بعيد ميلادها ورغم كده ان زميلتى تعليمها عالى اوى ومخلصه الجامعه ومعاها دبلومه ومثقفه جدا وعمرها ماحسستهم انها اعلى منهم فى التعليم وسلفتها معاها دبلوم
كانت سلفتها عايشه مع حماتها وكانت بتعاملها وحش ومش بتسأل عليها وزميلتى اول ما اتجوزت هى اللى بقت تخدمها وعمرها ما اكلت حاجه من غيرها
انا قلتها تقول لجوزها بس بادب انها هتنزل تخدم مامته فى ترويق الشقه بس مش تنزل تخدمها زى الاول ولو سلفتها كلمتها تولها انها سمعت

ليا واحدة صاحبتي من سنين كتيرة اوي

عندي سؤال وعايزاكم تساعدوني
ليا واحدة صاحبتي من سنين كتيرة اوي... كنت فاكرة اننا قريبين من بعض لحد ما حصل لي ازمة كبيرة في حياتي ولقيتها مش مهتمة ولا بتسأل اصلا بالتليفون حتى! لما عاتبتها قالتلي انها كانت بتتطمن عليا من بعيد
بعيد دة فين انا معرفش .. فقفلت الموضوع ومرضيتش افتحه تاني. بس صعب عليا اوي منها
دلوقتي اتخطبت وعملتها مفاجأة.. ماشي.. ربنا يتمم بخير.. كل ما تكلمني يبقى في مشاكل مشاكل مشاكل وانا اطبطب وااكد عليها بالاستخارة والدعاء وبدعيلها دايما.. مع المشاكل بقة كانت بتجهز و حجزوا القاعة والفستان وكله تمام.. واعرف من ناس برة ميعاد الفرح وانها بتعزمنا!
طيب.. لية مقالتليش؟ صعب عليا اوي منها ليه كدة
يعني اتخلت عني وقت ما كنت ف اشد الاحتياج ليها ولسؤالها عني وكمان في فرحها مش عايزاني اقف جمبها .. وبتخلي حد يعزمني بعد العمر دة كله والعشرة دي

حاسة اني مجروحة قوي ومقدرتش اروح حنتها مع اني زعلانة ونفسي اوي اشوفها عروسة.. مشاعري لسة جوايا اني بحبها ونفسي افرح بيها من قلبي بس مش قادرة
الكل بيغلطني.. انا مش عاوزة اروح عشان منظري قصاد الناس بعد كدة لكن عاوزة اروح عشان بحبها بس مش قادرة زعلانة جدا وقلبي موجوع

رأيكم ايه؟ انصحوني

زوجى مصرف جدا كل مايبقى معانا اى فلوس يفضل يصرف فيها

السلام عليكم ياأحلى صفحه بجد بستفيد منها كتير مشكلتى انى متجوزه من 6 سنين ومش حصل حمل خالص الحمد لله راضيه بقضاء الله المشكله بقى الاساسيه ان زوجى مصرف جدا كل مايبقى معانا اى فلوس يفضل يصرف فيها وافضل اقوله شيل بيجى علينا ايام مش معانا حتى الجنيه يفضل يقولى اللى رزق بدول يرزق بغيرهم ولم اقوله انا شيله مثلا مبلغ من المال يفضل ورايا لحد مصرفهم يعنى ممكن نروح عند مامته يعنى مثلا زى العيد كده اللى فات مفيش معانا مثلا غير المبلغ ده يصرفه كله ويرجع يقولى انا صرفت بتعصب انا جدا مع ان علينا التزمات كتيره خرجنا امبارح خروجه بسيطه جدا صرف فيها كتير مش عارفه اعمل ايه معاه أسفه انى رسالتى طالت (أرجو عدم ذكر اسمى)

متجوزة من خمس سنين

السلام عليكم ممكن بعد اذنك تنشري رسالتي من غير اسم
انا من فترة بشوف رسائل كتتيرة من ستات ربنا لسه مئذنش انهم يكونو امهات ربنا يرزقنا ويرزقهم جميعا انا عايزة اقولكم اني وحدة منكم متجوزة من خمس سنين حللت وجوزي حلل والحمد لله كل تمام بس ربنا مرزقناش بالعيال كنت بتضايق من اي كلمة او سؤال عن الموضوع حتى لو حد دعالي اتضايق كنت بحس انها شفقه من الناس بعدت عن الكل وبقيت على طول مكتئبه لغاية ما جاه يوم وقلت لنفسي ايه ده ده اكيد ربنا رايدلك الخير عامله كده بنفسك سايبه الناس يأثرو فيكي انتي لسه صغيرة عندي ٢٣ وقلت لنفسي الستات دي الي عندها عيال نفسها تعمل ايه وحاجات كتيرة بس مسؤليات العيال مش سامحالها رجعت وخلصت دراستي وبستغل اي فرصه ترفع مستوى تعليمي وبشتغل وبعمل اي نشاطات وكل ده وانا مغتربه ببلد معرفش فيها حد يعني وضعي وحالتي النفسيه كانت سيئه جدا والحمد لله مقتنعه ومبسوطه عايزة اقولكم انو متخلوش حياتكم متركزة على حاجه مش بايدنا دي بيد ربنا ولقيت اني اوضب حياتي دلوقتي احسن من ما انا قاعدة ومديه ودني لدي تقولي تعالجي ودي تقولي ازرعي انا مش حسمح للناس يحسسوني بالضعف او النقص وربنا اختارلي الاحسن ربنا يرزق الجميع والي عندهم عيال يجعلهم خلف صالح ليكو

متجوزة من سنتين تقريبا عندى طفل فى الخطوبة كنت مبسوطه كتير

السلام عليكم
لو سمحتى بدون ذكر اسمى وبعتذر عن طول المشكله
متجوزة من سنتين تقريبا عندى طفل فى الخطوبة كنت مبسوطه كتير صحيح كان فى خلافات بس دا اكيد طبيعى شوية شوية بدأت الخلافات تزيد كنت بخاف من فكره الإنفصال عشان اهلى كانوا فرحانين بيه رغم ان امكانياته ضعيفه بس اهله مستواهم كويس بس بيسيبوا الطرف الأخر يعمل ويجهز لأنهم كتير ولو عملوا لواحد فيهم لازم يعملوا للباقى وكدا مش هيفضل حاجة .. بداية الخلاف بينى وبينه الكبير كان مكتوب كتابنا ووالدى تعب بمرض خطير بس مكناش عارفين بس الظاهر قدامنا انه كان بينتهى كانت نفسيتى مدمره وبدل مايقف جمبى كان بيعاتبنى على قلة اهتمامى بيه بصراحة كنت زهقانه منه عشان موقفش معايا زى ماكنت مفكره هو بيسافر برا لشغله ونشوف بعض قليل ويوم الوفاه قطع شغله وجه قدرت اللى عمله وقولت خلينا فى المستقبل تانى يوم لاقيته مسافر برا مصر يحضر فرح واحد معرفته انا كنت عارفة من زمان بس كنت مفكره انه ممكن يلغيه عشان خاطر يقف معانا.. ملغاهوش وسافر واعتبرها فرصة ولما عاتبته قالى انه مش رايح عشان الفرح وبس قالى انه رايح يكتسب خبرات من فرع شغله هناك وطبعا عرفت بعد كدا انها كدبه بس عشان مزعلش . عديت الموضوع وقولت خلينا ف الجاى لأنى مبحبش المشاكل رغم انه بيتهمنى بالنكد عشان بعاتبه على حاجات زى دى .. اتجوزنا وحملت على طول ف ابنى كان مبسوط اووى وانا كمان وقولت اخيرا فى حاجة ورابط قوى بينا .. حصلت مشكله فظيعه اول مانزل اجازة لمجرد ان مامته كانت مقتنعه بدكتورة للمتابعة وانا وماماتى كنا مقتنعين بدكتور تانى معروف .. ونفسيتى تعبت جامد وبهدلنى اخر بهدله وانا كنت زهقانه وقولتله كلام يزهق وكنا هننفصل .. بابا قبل مايتوفى كان بانيلى شقه فى بيت العائلة اتجوزنا فيها واحنا اللى عملنا وشطبنا وجبنا كل حاجة هو جاب العفش فقط واحنا جبنا اوضة منه وفى اوضة مجتش فاضية لأن الشقه كبيرة جدا.. هو اهله محترمين وبيعاملونى كويس بس هو دايما محسسنى انى وحشه ومهمله ونكديه ومش مهتميه بيه وانه كان يستاهل احسن منى .. انا اعترف انى مقصره ف حقه بس من كتر الشتايم والتهزيق بقيت بخاف منه .. يوم الولادة كان احلى يوم ف حياتى وهو جه على طول وساب شغله وكنا مبسوطين اوووى ولما لاقيته كدا قومت والله تانى يوم الولادة وحضرتله الفطار عشان ييجى من السفر يفطر .. ويوميها بليل بدأت المشاكل ابنى مكنش راضى يرضع وغلبنا معاه واتهمنى انى مهمله ف اكلى عشان كدا مفيش لبن كافى وشتمنى وبهدلنى قدام اهله واهلى وانا قرفت من كل حاجة والدنيا اسودت ف وشى كان بيقعد يتريق عليا بشتايم وانا ماسكاه بحاول ارضعه ويقولى اعدلى واعملى وانتى هتموتيه وحرام عليكى وكلام من دا .. يوم السبوع قال لماما عاوزين نعزم اهله على غدا عشان النونو وابنى كان لسه مبيرضعش وهارى نفسه من العياط وبدأ يخس .. ماما انشغلت فى عمايل الأكل وانا كنت بنضف الشقة عشان الناس اللى جاية ومكنتش قادرة وتعبانة وبعد ماالناس مشت بهدلنى ومسح بكرامتى الأرض عشان رضاعة ابنى .. تانى يوم كان مسافر وقال لماما انا مش عارف اسافر ازاى واسيب ابنى مع واحدة مهمله معندهاش قلب طنشت كلامه وانا بتقطع من جوايا واول مامشى روحت بإبنى للدكتور عشان لو مفيش امل لرضاعة طبيعى اديلة صناعى روحنا لمركز طبى متخصص فى الأطفال حديثى الولادة فى القاهرة وقالنا ان الطفل عنده عيب خلقى مانعه من الرضاعه ومحتاج عملية بعد فترة ويرضع صناعى وتلحقوه لأنه بينتهى سلمت امرى لربى ووقتها مكنتش طايقة جوزى ولا بكلمه كان بيكلم امى يطمن على ابنه وماما كانت بتضحك عليه وتقوله كويس وبدأ يرضع عشان تسكته وخلاص .. والمشكلة عدت وعرفته وسكت ولا اعتزرلى ولا اى حاجة وانا كمان مجبتش سيرة لحد عشان ميزهقش قولت اكيد بينه وبين نفسه بيلوم نفسه بس تكبره مانعه وعدت الأيام وكل يوم مشكلة جديدة وكل دا وهو مسافر بيتهمنى حاليا بقلة اهتمامى بيه وانه زهق وعاوز ينفصل وانا بردة مهانش عليا العشرة وقولتله هتغير وهعملك اللى انت عاوزة قالى انتى بتقولى كدا من اول مااتجوزنا ومفيش تغيير وانا هلاقى احسن منك ميت مره وانا تعبت ومن انهاردة كل واحد ف حاله وهبعتلك انتى وابنك مصاريفكم وهبقى اطمن عليه من ماماتى اعتزرتلة كذا مره لاقيته بيسوء فها اكتر .. بعتله وقولتله انى موافقة ع الحل دا ودلوقتى مكلمنيش ولا رد عليا .. احنا فى بلد ريفى تبع القاهرة وخايفة من الناس وشكلى لأننا اسره محترمه وف نفس الوقت حاسة بإرتياح للأنفصال رغم انى اوقات بلوم نفسى واوقول ممكن انا فعلا نكدية وهو عنده حق وانا بضيع نفسى واقول الم الدور معاه تانى وانا متأكدة انى لو كلمت اهله الدور هيتلم وعادى بس اكيد المشاكل مش هتخلص ياايما هو يتغير ويرحم بيا شوية ياايما انا ابقى ملاك ف كل حاجة واعمله كل حاجة >> تنصحوني بإيه ؟؟

متزوجه من ست سنوات زواج صالوانات

ممكن تنزلول مشكلتى لو سمحت من غير الاسم انا متزوجه من ست سنوات زواج صالوانات ربنا مرزقنيش بالاطفال الحمد لله على كل حال وانا خلال السنين ده طول الوقت احاول عند الدكاتره بحاول ماديا ومعنويا بكل طاقتى الا ان امر ربنا كده انا عندى بطانة رحم مهاجرة وتكيسات الامل مش مفقود ولكن العلاج ده حاجه بتاع ربنا مشكلتى انى بحب جوزى جدا وبتمنى اخلف منى بتمنى حتى انا يفرح ويخلف ولو مش منى واعتقد هو كان بيحبى بس الحكاية دى بعدت بنا طول الوقت بنتخانق ومكتئبين وانا بتعب كتير من الادويه والعمليات وكمان الاحباط لو العمليه فشلت كل ده خلانا نبعد عن بعض بس انا لسه بحبه
هو دلوقتى بيتخانق معايا كتير بيقولى زهقت وبيهدنى يسبى او يتجوز بس بيرجع يصالحنى سؤالى انسحب من حياته بكرامتى افضل دلوقتى خايفه يفاجئنى يوم الاقيه اتجوزى وانسحب ازاى وهو كذا مره يرفض يطلقنى هل الى انا بعمله معاه ده ظلم ليه وجودى معاه كده من غير اطفال بحكم عليه يعيش مش سعيد وانا مقبلش كده انا بتمنى سعادته حتى لو مش مع غيرى بس انا مطقش اشوفه مع واحده تانيه علشان كده بفكر فى الطلاق وبعد ما اسيبه هقدر الاقى زيه واحبه بس هبدأمشوار البهدله من تانى ؟قوللى اعمل ايه

انا زوج من خمس سنين و عندي ولد وبنت .. و بحب مراتي وبناتي اوي

انا عارف ان ناس كتير هتهاجمني و تتهمني بالخيانة واني بتبطر على النعمة الي ربنا مديهالى

انا زوج من خمس سنين و عندي ولد وبنت .. و بحب مراتي وبناتي اوي
بس حصلتلي حاجة من 3 شهور غيرت حياتي تماما .. قابلت عالفيس بوك اول انسانه حبتها في حياتي ,, و اللي انا اتخليت عنها في اكتر وقت كانت محتجالى فيه لان ظروفي مكنتش تسمح اني اتجوزها ,,

واتجوزت و سافرت برة مصر و انقطعت علاقتنا تماما بعد جوازها

ودلوقتي لقيتها عالفيس و اتكلمنا و عرفت انها اطلقت و انها لسة بتحبني و رجعت لي كل مشاعر زمان ,, و هي قالتي انا مش عاوزاك تخرب بيتك عشاني ,, و مش هقولك نتجوز بس لازم نبقي على اتصال ببعض نطمن على بعض كل فترة حتي لو برسالة على الفيس ..

وانا مقدرش اجرح مراتي و اقولها او المحلها اني ممكن اتجوز عليها . و في نفس الوقت مش قادرة استغني عن حبي الاول و بيبقي نفسي اقعد اتكلم معاها طول اليوم وهموت و اشوفها .. و برضو ضميري بيأنبني من الوضع الي انا فيه لاني حاسس ان الي بعمله ده حرام و غلط

انا فكرت اكتبلكو لان اولا عارف خصوصيه الناس الي بتبعت رسابل هنا و ان محدش هيعرف شخصيتي ,. و عشان انتو ستات عاقلة و ده الي لاحظتة من اغلب الردود على المشاكل , لو انا اخو واحدة منكم تنصحوني بايه ,, و هل فعلا ممكن الواحد ميخسرش حد فيهم و يعيش سعيد ولا لازم يكون في ضحية سواء انا او مراتي او الانسانة الي بحبها ؟

متجوزة من 6 سنين وربنا مرزقنيش باطفال

هاى يا احلا بنات وستات فى الدنيا انا كنت عايزة اسالكوا على حاجة وعايزاكوا تقولولى رايكم انا متجوزة من 6 سنين وربنا مرزقنيش باطفال وعملت حقن بدل المرة 4 بس ربنا ماردش انا فكرت انى اتبنى طفل بس طبعا من غير ما ياخد اسم جوزى وكلمت جوزى فى الوضوع ورحب سالنا شيخ قالنا لازم اخد حاجة تخلى عندى لبن وارضعوا وفى الحالة دية هو مش هيبقى متحرم عليا انا وجوزى ولو ربنا رزقنى بعد كدة هيبقى اخو الى هخلفوا المشكلة بقى ان احنا فتحنا الموضوع دة ادام حماتى اتفتحت فينا متقفلتش وقلتلنا حتى لو ربنا مكرمكوش خالص وهو ان شاء اللة هيكرمكوا متفكروش فى الموضوع دة انا مش عارفة اعمل اية وجوزى مازال مقتنع بالتبنى وامى رحبت بالوضوع جدا طالما هيبسطنى ويريحنى نفسيا لو حد عندوا تجارب مع الموضوع دة ياريت تفيدونى

زوجي و انا بحبه بجنون و بغير عليه جدا.

الله يخليكي انشري رسالتي بدون اسمي. ... انا عندي مشاكل جامده زوجي و انا بحبه بجنون و بغير عليه جدا. و النهارده بسبب مشاكل الغيره عليه حصل مشكله كبيره و عنده اصرار يطلقني يوم الخميس ﻻني حاليا مسافره بره القاهره مع والدتي و لما ارجع هيطلقني.. كل المحاوﻻت ﻻقناعه بعدم الطﻻق فشلت.. و الله هو غلطان في حقي جدا بس انا مسامحة.. المهم يرجعلي... ارجوكم ادعولي انه يرجع في كﻻمه و يهديه ليه.. ارجوكي ما تهمليش الرساله انا فعلا محتاجه دعائكم جداااااااا

متزوجة من سنتين وعندى ولد رضيع

أنا أول مرة ابعتلكم بس أنا متابعاكم دايما ومعجبة جدا بصفحتكم
أنا عندى مشكلة نفسى تنشروها وأنا عارفة طبعا انه من غير ذكر أسماء
أنا متزوجة من سنتين وعندى ولد رضيع جوزى بيشتغل فى السعودية بس بعيد عن الرياض عشان كده مش عارفة أعمل اقامة معاه المشكلة انى كل شوية يسافر ويسيبنى أه بروحله زيارة كام شهر وبرجع تانى هنا حوالى اربع شهور لواحدى دى تالت مرة من ساعة جوازى لازم أستنى فترة الحج لما تخلص عشان أقدر أروحله أنا ساكنة فى بيت عيلة مع مامته وعيلته أه أنا ليا شقتى بس طول اليوم معاهم مش واخده راحتى تعبت بجد نفسى أحس باستقرار زى أى واحدة متجوزة عادى فى بيتى بس لأ طبعا مقيدة جدا ومش حاسة بكده نفسى أروح وأرجع معاه وأحس باستقلاليتى طبعا عارفين يعنى ايه واحده عايشة مع أهل جوزها ممنوع أقضى يوم عادى فى شقتى على النوم بس يحصل مشاكل كتيرة لو كده أنا بجد تعبت وعايزة حد يقولى أعمل ايه

متزوجه من سنه تقريبا ولم انجب

السلام عليكم ورحمته وبركاته
بجد محاجه رايكم وتقولولي اعمل ايه
انا متزوجه من سنه تقريبا ولم انجب حملت مرة والبيبي اجهضت بسب ضرب زوجي لي المستمر مع العلم انه كان متزوج من قبل وعنده ولد وهو شغله ببلد عربي ونادرا ما بينزل اوقات كتير بحس انه بيتعمد مش عايز اطفال مني وبيفوت مواعيد اللي بيحصل فيها الحمل بطريقته بجد انا تعبت من اسلوبة في الحياه معايا من ااقل شىء بيتعصب ويبتصرف تصرفات مجانين تقريبا بيكسر ويرزع وبيتخانق على ابسط الحاجات وطول اجازته بتكون نكد واهله مسيطرين على تفكيره جدا مع العلم انه هو نفسه بيشتكي منهم وعارف كويس تصرفاتهم وبرده بيسمع ,, اخر مشكله بينا حدثت اليوم وانا عند اهلي ومصره اني انفصل يا ريت تدوني رايكم لاني والله تعبت

عندي ٣٠سنه اصغر اخواتى البنات اتخطبت مرتين

من فضلكم بدون ذكر اسمى انا محتاجه مساعدتكم طيب انا دلوقتى عندي ٣٠سنه اصغر اخواتى البنات اتخطبت مرتين مره اول ماتخرجت بس كان ظابط عرفته عن طريق تعرضي لمشكله ف حرم الجامعه وهوا اللى وقف جنبي وحلها وقعدنا مخطوبين لمدة سنتين والسبب انه ماكنش استلم الشقه بتاعته مع العلم ان احنا والحمد لله عيلتنا مرتاحه واهلى مش حرمينا من حاجه خالص وسكتنا على كل حاجه بسبب موقفه معايا الاولانى ده المهم لما قرب موعد الجواز حصلت مشاكل كتيره وهوا اختار انه يمشي ورا ابوه اللى بيدفعلو كل حاجه طبعا انا تعبت اوى بالذات انه بعد كده حاول كتير يكلمنى ف التليفون بس مايردش ويخلى ناس تتكلم ويتعمد انه يعرف يوصلى انه خطب واحده تانيه وحاجات كتيره اوى لدرجة انه كان بيتعمد يجي يشترى من السوبر ماركت والفرن اللى تحت بيتنا المهم انا الحمد لله بيتقدملى ناس كتيره وبعد سنتين كده اتخطبت لواحد تانى بس انا مكنتش موافقه انى البس دبله تانى وقولت لاهلى كفايه فاتحه وبس وطبعا كالعاده محدش رضى وارغمونى على لبس الدبله وللاسف برده مكملتش ٣شهور وكانت خطوبتى مفسوخه بس السبب والله لحد دلوقتى انا مش عارفاه بس الكل اجمع انه بتصرفاته ده انه مريض نفسي وطبعا انا تعبت نفسيا اوى للمره التانيه وحملت اهلى الذنب لانهم اصروا عليا علشان البس الدبله ف ايدي رغم انى قولتلهم مش سهل على الواحده انها تلبس دبله وتقلعها تانى من ايديها ومرت الايام وربنا ادانى القوه والعزيمه وقدرت امر من المحنه ده على خير اتقدملى ناس تانيه كتير اوى ووافقت على واحد من كام شهر كده بعد مرور ٤سنين وفى اليوم اللى وافقت عليه رجع رقم ٢واتصل بيا طبعا بعد غياب ٤سنين. المهم مادتلوش فرصه نهاءي وقفلت السكه ف وشه ووافقت على العريس اللى كان متقدملى وجه واتفق مع بابا على كل التفاصيل واتحدد معاد الدبل برضه ونزلت مع اختى وهوا مع مامته ودونى محل تبعهم المهم معجبنيش حاجه من هناك وقامت مامته اتفتحت ماخلتش والمفروض كانت الخطوبه بعدها بيومين والناس كانت اتعزمت خلاص المهم وصلنا ان احنا حننزل بكره نشوف الموديلات ف محلات تانيه مع العلم انه كان عرف انى نزلت جبت الفستان وجهزت حاجتى وكنا خلاص متفقين هوا حيلبس البدله لونها ايه والكرافات علشان يليق مع لون الفستان وكده يعني المهم هوا جه اختفى وبصراحه انا ماكلمتوش لانى مغلطش ف حد وبعدين خليت ماما تكلمه علشان تعرف حننزل امتى وكان الرد انه مشغول ومش فاضي فوالدتي ردت عليه وقالتله طب يابنى احنا نستنى شويه لما تبقى فاضى قالها اوك ماشي ياطنط وبس واختفى وطبعا انا مش عارفه اوقولكم الحاله النفسيه اللى انا وصلتلها ادمرت بمعنى ادمرت لدرجة ان اهلى خافوا عليا وكانو عايزين يودونى لدكتور نفسي من الحاله اللى كنت فيها المهم ربنا وقف معايا برده الحمد لله وعديت من المحنه للمره التالته وفوجءت بعد شهرين انه اتقدم لواحده تانيه ونفس اللى حصل معايا حصل معاها بس ياحرام البنت اتعقدت ووصلت لمرحله صعبه اوى طبعا اتدايقت جدا وقعدت ادعي عليه جامد واحسبن عليه من اللى بيعمله ف بنات الناس المهم انى دلوقتى معنديش ثقه فى اى راجل ومش قادره اقابل عرسان تانى ورافضه فعلا موضوع الارتباط ومش عارفه اتعامل خالص وحاسه انهم كلهم عينه واحده كداين وغشاشين ومخادعين وكله بيقول يالا نفسي وخلاص محدش بيهمه مشاعر الطرف التانى وانا بقول كل ده لانى فى ال٣ مرات اتظلمت منهم ومشافوش منى غير كل خير والله العظيم وربنا حيحاسبني على اليمين ده مش عارفه هل دا ابتلاء ولا حب من ربى ولا ايه بالظبط انا وصلت لمرحلة ان ليه كل ده بيحصلي انا مش وحشه مش بكره حد بتعامل بعفويه وصدق واللى جوايا على لسانى على طول انا تعبت خالص والله والمهم انهم عندي عايزين يطمنوا عليا واي حد بيتقدملى يبقى هوا ده جوزك هوا ده نصيبك المشكله انى بفكر اكتر من سنى ومش بقبل باى حد بحس انه حيبهدلني .......،ياجماعه انا بجد تعبت اوى كتير بدعى ربى انه ياخدنى عنده الدنيا وحشه اوى مش حاسه بامان وكل اللى بيتقدملى دايما بحس انه طمعان ف فلوس ابويا احنا مرتاحين الحمد لله وعايشين ف فيلا وانا الحمد لله مش وحشه بس دايما عندي الانطباع ده انهم طمعانين فينا دلونى بجد الحل ايه هل فعلا محتاجه حد نفسي ولا الدنيا بقت مليانه بالوحوش ولا ايه بالظبط وانا دلوقتى وصلت للتلاتين والكل بيبصلي اني عنست وانى ضيعت حاجات كتيره من ايدي ،،،،،اعمل اييييييييييه ،،بجد والله تعبانه اوووووى ومش عارفه اعمل ايه
وشكرا جزيلا

انا مخطوبة بقالى ٨ شهور وخطيبى مامته وباباه متوفين

منغير اسمى لو سمحت..انا بجد بستفيد منكم جدا وبشكركم اوى انا مخطوبة بقالى ٨ شهور وخطيبى مامته وباباه متوفين والجه اتقدملى مع خطيبي اخوه وهو عايش بره واخته الكبيرة المهم اخوه ده كان المفروض هيسعده وهيجبله الشقة وكده. اخوه ده طلع مش راجل وكل ما يجى من بره ويرجع من غير ميجيب حاجه كمان بابا كان متفق معاهم ان الخطوبة متزدش عن ٦ شهور بس اعدوا يعطلوا فينا بعد كدهرجع فى كلامه وقال لبابا انا هجيب ايجار قديم وبعد كده بابا اقعد يتصل بيه وهو مش فى دماغه.... خطيبى كان مدى لاخوه ده زمان ١٥٠ الف واخوه دلوقتى مش راضى يدهوملوا... المشكلة بقى ان خطيبي ده مش راجل ومالوش كلمة مع ان سنه٢٧ بس مش بياخد قرار فى اي حاجة قالى لما اخويا يجى هاخد فلوسى منه واخوه جه وهيمشى ومفيش اى خطوه اللى مزعلنى اوى ان ماما كانت عاملة عملية بقالها ٥ ايام وهو مجاش يشوفها ويقولى انا مش هينفع امشي فى الحظر طب هو ممكن يجى قبلها وبيقولى اصل اخواتى هيزعقولى لو مشيت فى الحظر بقيت بحس انه عيل وانه مش هيعرف يحمينى... كمان انا تعبانة ومبقتش عارفة اعمل ايه

تزوجت من ٧ سنوات ٠زوجى به بعض العيوب كما به بعض المميزات

السلام عليكم شكرا على الصفحه الجميله ياادمن ٠اريد عرض مشكلتى بدون ذكر اسمى ورجاء ارسال الرابط لمتابعتها
مشكلتى غريبه لكنها حقيقيه والله على ما اقول شهيد ٠طبعا زوجى
تزوجت من ٧ سنوات ٠زوجى به بعض العيوب كما به بعض المميزات ٠حاولت كثير اصلاح بعض العيوب والحمد لله نجحت لكن هناك اشياء لا استطيع حلها ٠زوجى ينظر لى كاننى شىء يملكه هو فقط ٠بمعنى لايحق لى السعاده الا اذا كان هو مصدرها ٠لا يحق لى الخروج الا معه ٠لا يحق لى ان اصاحب الجيران او الاقارب او اتحدث معهم تليفونيا لانى اصبحت الان زوجه والمفروض اكتفى باسرتى عن باقى العالم ولان الستات التانيه هاتفسد اخلاقك وممكن يوقعوا بينى وبينك ٠كل اللى مسموح لى ازورهم هو بيت ابى فقط ٠ زوجى احيانا يسالنى انتى ممكن تخونينى بفعل الفاحشه ٠على فكره هو متزوجنى منقبه ومن سمعتى وسمعت اهلى الملتزمه ٠كان لما يخرج احنا ومتزوجين جديد يقفل على بالمفتاح ويضع باقى النسخ فى جيبه ٠انا تحملت كثير لانى لا احب الفشل وخاصه عندى اطفال ٠لكن بجد تعبت خلاص ٠ انا اتكلمت مع طبيبه نفسيه وقالت لى لازم يذهب للطبيب النفسى لانه عندة عقده من الصغر ٠بس هو طبعا مش مقتنع بالكلام ده خالص ورافض نهاااائى فكره الطبيب .. مبقتش عارفة اعمل ايه ؟؟

مشكلتي تتلخص في جوزي واسلوب حياتي معاه

مشكلتي تتلخص في جوزي واسلوب حياتي معاه.هو من للنوع للعملي اووي ﻻ وجود للمشاعر في حياته انطوائي لابعد الحدود .مابيعرفش يتعامل معايا نهائيا ..العصييه والنرفزه اسلوب حياته يقابل اي اختﻻف في الحوار بنا بعصبيه ولو كان الاختﻻف في نوع الجبنه داه احسن وﻻ النوع التاني. نفسي بس في شويه حنيه وطبطبه منه لكن للاسف هو مش بخﻻن يديهملي ﻻﻻ هو مابيعرفش مابيعرفش يعني ايه حنيه وحب ...بيحبني اه لكن للاسف تصرفاته مابتعكسش اي حب ..حولت اغيره بكل الطرق وكل الاساليب لكن للاسف كلها فشلت فشل رهيب
.ﻻن داه طبعه ..والطبع مستحيل يتغير ...كل واحده مخطوبه خدي بالك من اسلوب خطيبك اووي واوعي تتسرعي ..ادعولي ربنا يثبتني علي حياه بلا اي مقاومات للحياه

مشكلة مضايقانى من 6 سنين وهى الزغللة

معلش عايزة افضفض معاكم بس غير اسمى ....انا عندى مشكلة مضايقانى من 6 سنين وهى الزغللة وروحت لكل دكاترة العيون والمخ والاعصاب واخيرا دكتور مخ واعصاب طلب رنين على المخ وقالى ان فى سائل ضاغط على العصب اللى فوق الغدة وان ضغط الدماغ عالى وفى الاخر طلب اعمل عملية اسمها بزل وقالى ان السائل دة هو سبب الزغللة وعملتها فعلا ولقى ضعط الدماغ20بس للاسف الزغللة زى ماهيه وكل دكاترة العيون قالولى مفيش حاجة فى عينك. انا خلاص جالى انهيار وبقيت على طول نكدية ومعكننة على جوزى وبنتى ...ادعولى ربنا يشفينى ويظهر سبب للزغللة دى ....اسفة انى طولت عليكم.

"ولسوف يعطيك ربك فترضى" .. (قصة من واقع الحياة)

قصة اكثر من رائعة

"ولسوف يعطيك ربك فترضى" .. (قصة من واقع الحياة)

تخرجت من الجامعه والتحقت بعمل ممتاز وبدأ الخطاب يتقدمون إليّ, لكني لم أجد في أحدهم مايدفعني للارتبط به, ثم جرفني العمل والإنشغال به عن كل شيء آخر حتي بلغت سن الرابعة والثلاثين وبدأت أعانى من تأخر سن الزواج ..

وفى يوم تقدم لخطبتى شاب من العائله وكان أكبر منى بعامين وكانت ظروفه الماديه صعبه ولكنى رضيت به على هذا الحال ..

وبدأنا نعد الى عقد القران وطلب منى صوره البطاقه الشخصيه حتى يتم العقد فأعطيتها له وبعدها بيومين وجدت والداته تتصل بي وتطلب منى أن أقابلها فى اسرع وقت

وذهبت إليها وإذا بها تخرج صورة بطاقتى الشخصيه وتسألنى هل تاريخ ميلادى فى البطاقه صحيح ..

فقولت لها نعم

فقالت إذا أنتِ قد إقترتي من الأربعين من عمرك

فقولت لها أنا فى الرابعه والثلاثين

قالت الأمر لا يختلف فانتى قد تعديتى الثلاثين وقد قلت فرص إنجابك وأنا أريد أن أرى أحفادى ..

ولم تهدأ الا وقد أنهت الخطبه بينى وبين إبنها

ومرت عليّ ستة أشهر عصيبه قررت بعدها أن أذهب إلى عمرة مع أبي لاغسل حزنى وهمى فى بيت الله الحرام

وذهبت الى البيت العتيق وجلست ابكى وادعو الله أن يهيء لي من أمري رشدا,

وبعد أن أنتهيت من الصلاه وجدت إمرأه تقرأ القرآن بصوت جميل وسمعتها تردد الآية الكريمة (وكان فضل الله عليك عظيما) فوجدت دموعي تسيل رغما عني بغزارة,

فجذبتنى هذه السيده إليها وأخذت تردد عليّ قول الله تعالى ( ولسوف يعطيك ربك فترضي ) ..

والله كأنى لأول مره أسمعها فى حياتى فهدئت نفسى وانتهت مراسم العمره وقررت الرجوع إلى القاهره وجلست فى الطائرة على يسار أبي وجلس على يمين أبي شاب
ووصلت الطائره إلى المطار ونزلت منها لأجد زوج صديقتى فى صاله الإنتظار وسألناه عما جاء به للمطار فأجابني بأنه في انتظار صديق عائد علي نفس الطائرة التي جئت بها.

ولم تمض لحظات إلا وجاء هذا الصديق فإذا به هو نفسه جارنا في مقاعد الطائرة , ثم غادرت المكان بصحبة والدي ..

وما أن وصلت إلي البيت وبدلت ملابسي واسترحت بعض الوقت حتي وجدت صديقتي تتصل بي وتقول لي إن صديق زوجها معجب بي بشدة ويرغب في أن يراني في بيت صديقتي في نفس الليلة لأن خير البر عاجله ..

وخفق قلبي لهذه المفاجأة غير المتوقعة.. واستشرت أبي فيما قاله زوج صديقتي فشجعني علي زيارة صديقتي لعل الله جاعل لي فرجا.

وزرت صديقتي .. ولم تمض أيام أخري حتي كان قد تقدم لي .. ولم يمض شهر ونصف الشهر بعد هذا اللقاء حتي كنا قد تزوجنا وقلبي يخفق بالأمل في السعادة ...

وبدأت حياتي الزوجية متفائلة وسعيدة وجدت في زوجي كل ماتمنيته لنفسي في الرجل الذي أسكن إليه من حب وحنان وكرم وبر بأهله وأهلي,

غير أن الشهور مضت ولم تظهر علي أية علامات الحمل, وشعرت بالقلق خاصة أني كنت قد تجاوزت السادسة والثلاثين وطلبت من زوجي أن أجري بعض التحاليل والفحوص خوفا من ألا أستطيع الإنجاب ...

وذهبنا إلي طبيبه كبيره لأمراض النساء وطلبت مني إجراء بعض التحاليل, وجاء موعد تسلم نتيجة أول تحليل منها فوجئت بها تقول لي إنه لا داعي لإجراء باقي التحاليل لأنه مبروك "يامدام"..أنتِ حامل !

ومضت بقية شهور الحمل في سلام وإن كنت قد عانيت معاناة زائدة بسب كبر سني, وحرصت خلال الحمل علي ألا أعرف نوع الجنين لأن كل مايأتيني به ربي خير وفضل منه, وكلما شكوت لطبيبتي من إحساسي بكبر حجم بطني عن المعتاد فسرته لي بأنه يرجع إلي تأخري في الحمل إلي سن السادسة والثلاثين .

ثم جاءت اللحظة السحرية المنتظرة وتمت الولادة وبعد أن أفقت دخلت عليّ الطبيبه وسألتني مبتسمة عن نوع المولود الذي تمنيته لنفسي فأجبتها بأني تمنيت من الله مولودا فقط ولا يهمني نوعه.. فوجئت بها تقول لي:
إذن مارأيك في أن يكون لديك الحسن والحسين وفاطمة !

ولم أفهم شيئا وسألتها عما تقصده بذلك فإذا بها تقول لي وهى تطالبني بالهدوء والتحكم في أعصابي إن الله سبحانه وتعالي قد منَّ علي بثلاثة أطفال, وكأن الله سبحانه وتعالي قد أراد لي أن أنجب خلفة العمر كلها دفعة واحدة رحمة مني بي لكبر سني, وأنها كانت تعلم منذ فترة بأني حامل في توءم لكنها لم تشأ أن تبلغني بذلك لكي لا تتوتر أعصابي خلال شهور الحمل ويزداد خوفي

فبكيت وقولت ( ولسوف يعطيك ربك فترضى )

قال الحق سبحانه وتعالى ( وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا )


((أقرأ الاية وأدع الله بما في قلبك و كن على يقين ان الله لم ولن يخذلك ابدا ))

مشكلتي مختلفه خااااالص بعد الولاده جالي حاجه اسمها اكتئاب

بس ياريت بدون ذكر اسمي أنا بقي مشكلتي مختلفه خااااالص بعد الولاده جالي حاجه اسمها اكتئاب ما بعد الولاده ومحدش حاسس بيه ومش قادره اتكلم خالص انا بحب بنتي جدا جدا ومتعلقه بيها اوي لكن في نفس الوقت حاسه انها سبب تعاستي لانها علطول شغلاني وكمان بتنيمني الساعه 6الصبح يعني عذاب وساعات بيأس واقعد أعيط وبس وبتمني ساعات موتها كتير عشان أرتاح من اللي بيحصلي لكن لو حصلها حاجه ببقي خايفه عليها جدا بجد قولولي اعمل ايه في نفسي أنا تعبت بس ياريت من غير كلام جارح عشان انا فعلا مش ناقصه والله

كنت مخطوبه وكنت بحب خطيبى جدا

ازيكوا احبائي وارجو مساعدتى فى مشكلتى .. نشرها رسالتى فى اقرب وقت ...انا مشكلتى انى كنت مخطوبه وكنت بحب خطيبى جدا جدا وكمان هو كمان كان بيحبنى وسيبنا بعض لاسباب كتير ..واهم اسبابها احنا مش السبب فيها هو دايما كان بيقولى ان السبب هو اهلى وكان بيقولى كلمه عمرى ماهنساها الاهل هما اللى ممكن يمشوا موضوع وممكن كمان يوقفو موضوع وكل الكلام ده من فتره بعيده من بعد تخرجى من الجامعه سنين انا دلوقتى قربت على اواخر العشرينات وسن الثلاثين ..وكل مايتقدملى حد كنت برفضه وبطلع فيه اى سبب عشان ارفض ..حولت انى ارتبط تانى بس مااقدرتش دايما بقارن كل حاجه المعامله والشكل والوظيفه والامكانيات وحبه ليه والاهم حبه ليه وارتياحه ليه الاقى كفه حبيبى هى اللى تغلب ...وانا دايما بتابع اخباره وكنا الفتره اللى فاتت على طول بنكلم مع بعض من ورا اهالينا ...احنا عارفين انه استحاله نرجع لبعض تانى وهو كمان كتير بحس هو فعلا لو عايزنى كان وقف قدام الدنيا كلها عشانى ...مشكلتى انى مش معه ولا عارفه حتى اسيبه ...ومش عايزه ارتبط باى حد تانى وأ اجوز عشان بقاش خاينه حتى ولو بالتفكير فيه ومش هبقى مبسوطه مع اى حد تانى ...دايما بفتكر الذكريات وحاسه انى عمرى ها هرتبط باى حد تانى ....انا دلوقتى متقدملى عريس اهلى موفقين عليه جدا هو كويس انا لو كان جالى زمان عمرى ماكنت هرفض وكنت هحبه كمان بس دلوقتى انا بطلع فيه اى عيب والسلام قدام اهلى معرفش انا بعاند نفسى ولا بعاند اهلى واحساسى انهم كانو السبب ورفضهم ليه ...مش عارفه اعمل ايه نفسى انسى واعيش زى كل الناس واجوز واعيش حياه هاديه زى كل بنت بس مش بقدر ...وبقول اغلبيه المجوزيين كان عندهم قصص حب واجوزه اشخاص تانيه ...بس انا مش عارفه ....اسفه للاطاله وارجو نصيحتى ارجوكو

عروسه جديده مجوزه بالظبط من 3 شهور والحمد لله

اولا بحييكم جدا على الصفحه الهايله بتاعتكم من زمان وانا متبعاها وبقرا كل المشاكل اللى بتتبعتلكم واقرا حلولها عشان اتعلم منها وعمرى ماكنت اتخيل انى هكتبلكم عن مشكله بعيشها وللحساسيه فبترجاكم عدم ذكر اسمى انا سنى 29 سنه المفروض انى عروسه جديده مجوزه بالظبط من 3 شهور والحمدلله ربنا رزقنى وانا حامل دلوقتى فى 6 اسابيع
معلش استحملونى انا هطول عليكم شويه انا اتقدملى جوزى للجواز من 3 سنين وقبل الخطوبه جاتله الهجره العشوائيه لأمريكا واختار انه يسافر ويحقق طموح حياته وارتباطنا وقف ومكملش بس بعد 9 شهور (وبعد 7 شهور من سفره) رجع كلمنى ع النت واترجانى انه يفتح موضوع ارتباطنا تانى وافقت وفضلنا 14 شهر نتكلم ع النت واتعاملنا مع بعض كأننا مخطوبين وكان اتفاقنا انه هينزل ونتجوز على طول طبعا منكرش ان كان فى مشاكل بينا بس اعتبرتها طبيعيه بين اى اتنين مخطوبين ولأنى مريت بظروف صعبه جدااااااااااااا بعد سفره (موت ابويا وبعدها موت اخويا الصغير بمرضه) فكنت فى اشد الأحتياج للأرتباط دا وحصل فعلا انه جه من السفر واتجوزنا بعد شهرين من وصوله بالظبط بس انا قابلت مشكله فظيعه من اول اسبوع فى جوازنا مقدرتش اكتشفها فى شخصيته لما كنا بنتكلم ع النت وهى "البخل"
كل مشاكلنا حوالين الفلوس ولآنه مجبش شقه واحنا قاعدين فى بيت والدتى وبرغم من اننا بنسحب من خزين البيت الا اننا لو صرفنا اقل مبلغ على الأكل بيتخانق معايا ويعمل مشكله كبيره ويسيبلى البيت ويروح عند والدته بالرغم من انى صرفت من فلوسى الشخصيه الوفات من ساعة جوازى مساعدة ليه وللعلم هو متيسر الحال والحمدلله
انا مش عارفه اعمل ايه لأنى من الشخصيات اللى متعوده اصرف ومش بحرم نفسى ولا بيتى من حاجه انا كل تفكيرى دلوقتى فى البيبى مش فيا
هل هيقدر يصرف على ولادته وعليه ولا لما هيسافر بعد شهر مش هيبعتلى اى مصاريف وساعتها هبقى عبأ على والدتى لدرجة انى بفكر اجهض الحمل وانزل البيبى علشان مظلمهوش معايا وييجى لأب مش هيقدر يتحمل مسئولية تربيته وتعليمه من فضلكم ساعدونى وقولولى اعمل ايه انا عايشه فى جحيييييييييييييييييييم ( شكرا على سعة صدركم )